AMD Strela

 

Изгоре салон за мебел кај Василево, за малку не зафати бензинска пумпа

Изгоре салон за мебел кај Василево, за малку не зафати бензинска пумпа
Објавено на: 09 Apr 2018

Големиот пожар кој избувна попладнево на влезот во ИНдустриската зона кај Василево и во кој целосно изгоре салонот за мебел Савело“ е локализиран. Пожарникарите не дозволија пламените јазици да се прошират и да ја зафатат бензинската пумпа на „Тритерол“, која од изгорениот објект е оддалечена десетина метри, односно ја дели улицата преку која се влегува во Индустриската зона.

Според очевидци пожарот избувнал околу 14 часот, а први го забележале вработените во бензинската пумпа, кои веднаш  ја алармирале Противпожарната единица и полицијата.

Во пожарот целосно е уништен објектот, како и голема количина на нов мебел наменет за продажба,  а штетата дополнително ќе се утврдува.

Поради пожарот попладнево сообраќајот на патниот правец Струмица-Василево-Радовиш се одвиваше по стариот пат со повремени застои.

На местото на пожарот екипи на МВР вршат увид, а причините за овој голем пожар ќе се утврдуваат дополнително.

 

Media Flesh

 

ВИДЕО

FACEBOOK